Í 1877 varð A/S Færø Amtstidendes Bogtrykkeri (Dimmalætting sum hjánavn) stovnað fyrstu ferð. 4. juli 1919 varð tað skrásett sum partafelag samsvarandi teirri tá nýggju partafelagslógini. Blaðið sjálvt er komið út síðan 1878. Dimmalætting er landsins størsta blað og einasta avís í landinum, sum kemur út hvønn gerandisdag. Tí er Dimmalætting eisini besti og týdningarmesti boðberin á prenti, uttan mun til, um tað snýr seg um tíðindi, kunngerðir ella lýsingar. Á netinum er Dimmalætting eisini skutin fremri við síni væl vitjaðu og dagførdu heimasíðu við tíðindum og lýsingum. Í meira enn eina øld hevur Dimmalætting verið nátúrligur partur av føroyska gerandisdegnum, og tað er Dimmalætting framvegis. Dimmalætting eigur eisini Bil.fo, Skipalistan, Vikutúr og Vinnutitan.biz. |
